Miðlar og vitlíki

Ida Ebbensgaard

Journalistur, rithøvundur og orðstýrari · Danmark

Ida Ebbensgaard er journalistur, rithøvundur og orðstýrari við royndum frá m.a. DR, Berlingske og Zetland. Hon hevur kannað, hvussu vitlíki broytir miðlar og samfelag, og skrivað bókina Ægte – en lille bog om kunstig intelligens. Á ráðstevnuni setur hon orð á, hvat tøkniliga menningin merkir fyri miðlarnar.

Ragnhildur Hrefna Thorlacius

Varaleiðari á tíðindadeildini hjá RÚV · Ísland

Ragnhildur Hrefna Thorlacius er varaleiðari á tíðindadeildini hjá RÚV. Hon arbeiðir við vitlíkisspurningum á stovninum, m.a. at dagføra reglurnar fyri nýtslu av vitlíki, við serligum denti á tíðindaarbeiðið. Framløgan tekur støði í ritstjórnarliga arbeiðinum hjá einum norðurlendskum public service-miðli.

Mats Lewan

Framtíðargranskari, rithøvundur og tøknijournalistur · Svøríki

Mats Lewan er framtíðargranskari, rithøvundur og tøknijournalistur við bakgrund í verkfrøðiligari alisfrøði og meira enn trimum áratíggjum av royndum við at umrøða tøkni og ávirkan hennara á fólk og samfelag. Hann er fyrrverandi leiðandi ritstjóri á svenska tøknitíðarritinum Ny Teknik og arbeiðir í dag við framtíðarútlitum, vitlíki og orkuskiftinum, eitt nú hjá svenska felagsskapinum Power Circle, sum arbeiðir við at leggja um til ravmagn. Arbeiði hansara kannar ikki bert, hvat nýggj tøkni kann gera, men eisini hvussu vit kunnu brúka hana uttan at missa menniskjaligar førleikar, metingarevni og ábyrgd.

Hjálmar Gíslason

Íverkseti, stovnari og forstjóri í GRID · Ísland

Hjálmar Gíslason var formaður fyri arbeiðsbólkinum, sum í 2026 gjørdi tilmæli til nýggju íslendsku vitlíkisstrategiina undir heitinum »Gervigreind til góðs«. Hann er stovnari og forstjóri í GRID og nevndarlimur í íslendsku máltøknifyritøkuni Miðeind, sum mennir vitlíkisamboð til at arbeiða við talu og teksti. Á ráðstevnuni deilir hann royndir úr íslendska strategiarbeiðinum og setur ljós á tær avgerðir, sum smá samfeløg standa fyri.

Jaspur Højgaard

Ráðgevi hjá VILT – Vitlíkistænastan · Føroyar

Jaspur Højgaard er ráðgevi hjá VILT – Vitlíkistænastan. Gjøgnum VILT hevur hann verið verkætlanarleiðari fyri bæði forkanningina og sjálva heildarætlanina fyri vitlíki. Á ráðstevnuni gevur hann eitt føroyskt innlit í heildarætlanina fyri vitlíki: hvar vit standa, og hvørji næstu stigini eru.

Lasse Funder Andersen

Leiðari fyri vitlíkisloysnum í DR · Danmark

Lasse Funder Andersen leiðir arbeiðið við vitlíkisloysnum í tíðindadeildini hjá DR. Hann hevur bakgrund í journalistikki, ritstjórn og dátuvísindum og arbeiðir við amboðum til tíðindastovuna. Á ráðstevnuni leggur hann fram praktiskar royndir við at nýta vitlíki sum amboð í Danmarks Radio.